52 мыңнан астам қазақстандықтың неліктен баспана кезегінен шығарылғаны белгілі болды

Дом, жилье, квартира, недвижимость, покупка дома, покупка жилья, покупка недвижимости, покупка квартиры, аренда, аренда квартиры, аренда дома, аренда жилья, съемное жилье, съемная квартира, съемный дом, продажа дома, продажа жилья, продажа квартиры, ипотека, ипотечная программа, ипотечное жилье, дом в ипотеку, квартира в ипотеку, цены на квартиры, цены на жилье, цены на дома, сурет - Zakon.kz жаңалық 19.11.2026 11:53 Фото: Zakon.kz/Максим Золотухин
Қазақстанда 52 535 адам мемлекеттік баспана кезегінен шығарылды. "Отбасы банк" АҚ баспасөз қызметінің мәліметінше, тексеру кезінде олардың жеке меншігінде тұрғын үй бар екені анықталған, деп хабарлайды Zakon.kz.

2026 жылғы 14 қыркүйекте "Тұрғын үй қатынастары туралы" ҚР Заңына енгізілген өзгерістер мен толықтырулар күшіне енді. Енді баспанаға мұқтаж азаматтарды есепке қою және кезекте тұрғандардың деректерін түгендеу үшін олардың дербес деректерін жинауға және өңдеуге бөлек келісім алу талап етілмейді.

"Заңға енгізілген өзгерістерге сәйкес банк тұрғын үйге мұқтаж ретінде есепте тұрған азаматтар туралы мәліметтерді толық түгендеді. Түгендеу барысында меншігінде баспанасы бар азаматтар анықталды. Олар заңда белгіленген тұрғын үйге мұқтаж деп тану талаптарына сай келмейді. Нәтижесінде жеке меншігінде тұрғын үйі бар 52 535 азамат есептен шығарылды", – делінген банктің баспасөз қызметі 17 қарашада таратқан хабарламада.

Банк алдағы уақытта баспана ортақ бірлескен меншігінде тұрған азаматтардың да деректерін тексеруді жалғастырады. Заңда көзделген негіздер болса, олар да есептен шығарылады.

2026 жылғы 22 қазанда Отбасы банктің Алғашқы тұрғын үймен қамтамасыз ету орталығы департаментінің директоры Азат Әшімов кейбір қазақстандықтардың мемлекеттен баспана алу үшін қандай айлаға баратынын айтқан еді. Ол сондай-ақ 200 мыңға жуық қазақстандықтың баспана кезегінен шығарылуы мүмкін екенін ескертіп, оның себептерін түсіндірді.

4 қарашада Өнеркәсіп және құрылыс министрі Ерсайын Нағаспаев елімізде қанша азамат баспанаға мұқтаж екенін мәлімдеді.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: