Қостанай облысында қарама-қарсы келе жатқан екі көлік соғылып, екі адам қаза тапты

Қостанай – Сарыкөл автожолында ВАЗ-21099 автокөлігі мен Toyota Alphard көлігі бетпе-бет соқтығысып, салдарынан екі жүргізушісі де қаза тапты, ал жолаушылар түрлі жарақаттармен ауруханаға жеткізілді, деп хабарлайды Zakon.kz.

Оқиға 28 шілде сағат 21:00 шамасында Қостанай – Сарыкөл автожолында, Октябрь ауылынан 15 шақырым жерде болған.

Посмотреть эту публикацию в Instagram

Публикация от Всё про Костанай и область (@qostanay.tv)

"ВАЗ-21099 автокөлігінің 22 жастағы жүргізушісі рөлге ие бола алмай, жолдың қарсы бетіне шығып кетіп, Toyota Alphard көлігімен бетпе-бет соқтығысқан. Онда үш жолаушы, арасында жүкті әйел болған", – делінген хабарламада.

Апат салдарынан Ваз жүргізушісі мен Toyota жүргізушісі алған жарақаттарынан қайтыс болды. Түрлі жарақаттары бар үш жолаушы ауруханаға жеткізілді.

Ведомство өкілдері ҚР ҚК 345-бабының 4-бөлігіне сәйкес сотқа дейінгі тергеу басталғанын хабарлады. Қазір болған оқиғаның мән-жайын анықтау үшін қажетті тергеу әрекеттері жүргізіліп жатыр.