Алматы облысы тұрғындары 3 жасар баланың өліміне кінәлілерді жазалауды талап етті
Сурет: pixabay
Еуразия бірінші арнасының хабарлауынша, баласынан айырылған отбасына көңіл айту үшін жүздеген адам келген. Олардың көпшілігі баланың өлімін абайсыздықтың салдары деп санайды және оқиғаға кінәлілерді заң аясында жазалауды талап етті. Ауыл тұрғындары балабақша қызметкерлері ойын алаңының дәл жанындағы ашық тесікке назар аудармағанына таңғалды.
"Балабақша да, ондағы адамдар сауатты жұмыс істемеді. Баланың жағдайын көріп, неге жедел жәрдем шақырмады? Неге полиция шақырмады? Канализация люктері неге ашық болды? Ауылдағылардың бәрі осыған таңданып отыр" – дейді жергілікті тұрғындар.
Оқиғаның мән-жайына қатысты көптеген сұрақ туындайды: люктің неліктен ашылғаны және ол кезде балабақша тәрбиешілері қайда болғаны анықталып жатыр. Мектепке дейінгі мекеме қызметкерлері баланың жоғалып кеткенін оны шақырған кезде бір-ақ білген. Қайтыс болған баланың анасы Ақбота Сатқынбаевв объективті тергеуді талап етіп отыр.
"Балабақша қызметкерлерінің айтуынша, кәріз тесігі жабылған. Бірақ мен сенбейдім. Сосын олар маған герметикалық қақпақты көрсетті. Бірақ құдық сол кезде емес, кейін жабылған. Бала екі сағаттай сол жерде жатты дейді. Балам жоғалып кеткен кезде оны іздеген, бірақ бірден таппаған".Ақбота Сатқынбаева
Аудандық білім бөлімі апаттың абайсыздықтан болғанын растап үлгерді. Бақылау камерасынан балалардың сол сәтте қараусыз қалғаны белгілі болды. Оқиғадан кейін балабақша қызметкерлері бірден жедел жәрдем мен полицейлерді шақырмай, өз бетінше баланы кәріз құдығынан шығарып, ауруханаға алып кеткен. Бірақ құтқара алмаған.
Облыстық полиция департаменті оқиғаның барлық мән-жайын объективті және толық зерттеу үшін қажет сараптама тағайындап, жедел іздестіріп жатқанын хабарлады. "Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау" бабы бойынша қылмыстық іс қозғалды. Балабақша меңгерушісі, тәрбиешісі және оның көмекшісі жұмыстан босатылды.
13 қыркүйекте Қырбалтабай ауылында жантүршігерлік оқиға болды. Үш жасар бала ашық кәріз құдығына түсіп кеткен. Дәрігерлер баланың өмірін сақтап қалуға тырысқанымен, нәтиже болмады.
