АМТ Костенко шахтасындағы жарылыстың алдын ала себебін атады
Сурет: pixabay
Компанияның хабарлауынша, Костенко атындағы шахтадағы төтенше жағдай кезінде 252 адам болған, 205 кенші сыртқа шығарылған. Апат орнында КӘАҚҚ құтқарушылары жұмыс істеп жатыр. Штаб құрылды. Апат болған жерде Қарағанды облысының әкімі, "АрселорМиттал Теміртау" АҚ бас директоры, Қазақстан Республикасы бас прокурорының бірінші орынбасары, Қарағанды облысының прокуроры, арнайы құқық қорғау органдарының қызметкерлері жүр.
"Болжам бойынша, лавада газ метан жарылысы болды", – делінген "АрселорМиттал Теміртау" АҚ хабарламасында.
"АрселорМиттал Теміртау" АҚ Костенко шахтасында болған оқиғаға байланысты ақпараттық және психологиялық қолдау көрсету үшін Төтенше жағдайлар министрлігі мен Қарағанды облысының төтенше жағдайлар департаментінің 8 (7172) 70-41-08, 8 (7212) 51-72-23, 8 (7212) 49-72-70 сенім телефондары жұмыс істеп тұр.
Қарағанды облысындағы Костенко атындағы шахтада 28 қазан күні сағат 02:33-те жарылыс болды. Облыс әкімі Ермағанбет Бөлекбаев 9:00-дегі жағдай бойынша 11 адам қаза болғанын хабарлады.
