Көкшетау-Астана тас жолында қалып кеткен 200-ден астам адам пойызбен эвакуацияланды
Сурет: "Жолаушылар тасымалы" АҚ
Қолайсыз ауа райы жағдайларына байланысты Көкшетау-Астана тас жолы жабылды. Салдарынан ақтүтек боранда қалып кеткен 200-ден астам адам Ақкөл станциясының тас жолынан елордаға дейін ұлттық тасымалдаушының №6830 пойызымен эвакуацияланды, деп хабарлайды Zakon.kz.
"Жолаушылар тасымалы" АҚ баспасөз қызметінің хабарлауынша, пойыз бригадасы жолаушыларға қажетті көмек көрсетті.
"Жаңа жыл қарсаңында ауа-райының қолайсыздығына қарамастан, теміржолдағы пойыз бригадасының барлық қызметкерлері жолаушылар пойыздарының қозғалысын қамтамасыз етіп, жолаушыларды тасымалдау кезінде барлық жайлылық жағдайларын жасайды", делінген хабарламада.
Айта кетсек, 30 желтоқсанда Астана мен еліміздің 15 өңірінде боран соғып, көктайғақ болады деп болжанады. Сондай-ақ 29 желтоқсанда Астана – Петропавл тас жолының 105-ші шақырымында, "Гелиос" жанар-жағармай құю бекетінің жанында 16 көліктің қатысуымен жаппай жол апаты орын алып, жеңіл көліктің жүргізушісі қаза тапқаны хабарланған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
