Қасым-Жомарт Тоқаев Конституциялық соттың судьяларын тағайындады

2026 жылдың 23 қыркүйегінде мемлекет басшысы Қасым-Жомарт Тоқаевтың жарлықтарымен Қазақстан Республикасы Конституциялық сотының он судьясы тағайындалды, деп хабарлайды Zakon.kz.

Ресми ақпаратты Ақорданың баспасөз қызметі хабарлады.

Мемлекет басшысының жарлықтарымен:

• Сәкен Абдолла;
• Лейла Сұлтанқызы Жақаева;
• Қайрат Төлегенұлы Жақыпбаев;
• Айжан Ержанқызы Жатқанбаева;
• Айгүл Қуанышбайқызы Қыдырбаева;
• Қанат Сергейұлы Мусин;
• Бақыт Маратұлы Нұрмұханов;
• Сергей Васильевич Скрябин;
• Аслан Султанович Тукиев;
• Сергей Федорович Ударцев тағайындалды.

Президент жарлықтары шыққанға дейін Құрылтай депутаттары пленарлық отырыста Конституциялық сот судьяларын тағайындауға келісім берді.

Кандидатураларды Президент Әкімшілігінің басшысы Роман Скляр таныстырды:

"Қазақстан Республикасы Конституциясының 56-бабына сәйкес Конституциялық соттың судьяларын тағайындау үшін Құрылтайдың келісімі қажет. Мемлекет басшысының тапсырмасына сәйкес Конституциялық сот судьялары лауазымына он кандидатура ұсынылып отыр", – деді ол.

2026 жылғы 22 қыркүйекте Тоқаев Қазақстан Халық Кеңесінің бірінші сессиясын шақыру туралы өкімге қол қойды. Сессия 23–24 қыркүйекте Астанада өтеді.