Астанада жолда дрифт жасаған BMW жүргізушісі жауапқа тартылды
Фото: Zakon.kz
Астанада қоғамдық жолда қауіпті маневр жасап, дрифт жасаған 21 жастағы BMW жүргізушісі әкімшілік жауапкершілікке тартылды, деп хабарлайды Zakon.kz.
Полиция мәліметінше, оқиға шамамен сағат 21:50-де Қабанбай батыр және Сарайшық көшелерінің қиылысында болған.
Полиция қызметкерлері жол қозғалысы ережелерін бұзып, автокөлігін әдейі сырғанатқан жүргізушіні тоқтатқан. Оның әрекеті жол қозғалысының өзге қатысушыларына қауіп төндірген.
Жүргізуші қауіпті маневр жасағаны, көлік құралдарын пайдалану қағидаларын бұзғаны және ұсақ бұзақылық жасағаны үшін әкімшілік жауапкершілікке тартылды.
Полиция қоғамдық жолдарда дрифт және басқа да қауіпті маневрлер жасауға болмайтынын еске салды. Мұндай әрекеттер жүргізушінің өзіне ғана емес, өзге жүргізушілерге, жолаушылар мен жаяу жүргіншілерге де қауіп төндіреді.
Мақаламен бөлісу
Оқи отырыңыз
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
