Қостанай облысында ҰҚК есірткі заттарын тасымалдаушы ірі арнаның көзін жойды

ҚР ҰҚК Қостанай облысы бойынша департаменті еліміздің оңтүстік өңірлерінен каннабистік топтағы есірткі заттарының ірі партиясын тасымалдаушы арнаны анықтады, деп хабарлайды Zakon.kz.

Ведомство баспасөз қызметінің хабарлауынша, 12 қыркүйекте ҰҚК-нің Қостанай облысы бойынша департаментінің еліміздің оңтүстік өңірлеріне жүргізген операциясы барысында 335 келіден астам марихуана және 20 келі гашиш тәркіленді.

"Есірткі арнасын ұйымдастыруға қатысы бар деген күдікпен төрт Қазақстан азаматы ұсталды. ҚР Қылмыстық кодекстің 297-бабы 3-бөлігі бойынша сотқа дейінгі тергеу амалдары қолға алынды", делінген ҰҚК баспасөз қызметінің хабарламасында.