"Бір топ адам алданған". Елордада Olx-те отыратын алаяқ ұсталды

Елордада 40-тан астам алаяқтыққа қатысы бар күдікті ұсталды. Оның қлымысы полицияға қала тұрғыны жүгініп, алаяқтық әрекеттердің құрбаны болғаны айтып, жазған арызынан кейін әшкере болды, деп хабарлайды Zakon.kz.

Есіл ауданы ПБ полиция қызметкерлері жедел-іздестіру іс шараларын жүргізу кезінде алаяқтық жолмен ақша иемденген 31 жастағы тұрғынды анықтады.  

"Тергеу барысында ер адам Olx қосымшасында "жиһаз сатамын" деп алдап, дәл осындай іске қатысты 40-тан аса эпизоды бар екені белгілі болды. Аталған фактіге қатысты сотқа дейінгі тергеу амалдары жүргізілуде", делінген полиция хабарламасында.

Бұған дейін Алматыда жылжымайтын мүлікке қатысты алаяқтық фактісі әшкереленгенін жазғанбыз. Бұл орайда Шымкент қаласының 21 жастағы тұрғыны бірқатар алаяқтық жасады деген күдікпен ұсталды.