СҚО-да суицид пен экстремизмді насихаттайтын Telegram арналар бұғатталды
Сурет: pixabay
Қадағалау органының мәліметінше, әлеуметтік желілер мониторингі шеңберінде анықталған парақшаларда экстремистік, террористік сипаттағы ақпарат, жасөспірімдердің суицидін насихаттау және балаларға қатысты зорлық-зомбылық әрекеттері жарияланған.
Мысалы, "POZOR PETRO" Telegram-арнасында кәмелетке толмағандардың ар-намысы мен қадір-қасиетіне нұқсан келтіретін жазбалар, сондай-ақ сексуалдық сипаттағы бейнероликтер орналастырылған.
"Кибернадзор" ақпараттық жүйесі арқылы қабылданған шаралармен аталған топтарға кіру бұғатталған.
Жыл басынан бері облыс прокуратурасы заңсыз контенті бар 205 интернет-ресурсты бұғаттады.
Солтүстік Қазақстан облысының прокуратурасы ата-аналарды кәмелетке толмағандардың ақпараттық қауіпсіздігіне ерекше назар аударуға, олардың интернет-белсенділігіне қызығушылық танытуға және олар қарап отырған мазмұнды бақылауға шақырады.
Ата-аналар тарапынан уақтылы назар аудару, интернет желісіндегі қауіпсіз мінез-құлық туралы үнемі әңгімелесу және әлеуметтік желілер мен мессенджерлердің пайдаланылуын бақылау балаларды құқыққа қайшы әрекеттерге тартудың және зиянды мазмұнды таратудың алдын алудың маңызды шаралары болып табылады.
Бұған дейін Алматыда 21 жастағы жігіт Бостандық ауданындағы көпқабатты үйдің ортақ балконынан құлап, мерт болғаны хабарланған.
