Хоккей: "Барыс" "Ақ Барыстан" тағы ұтылып қалды

Хоккей, "Барыс", "Ақ Барыс" , сурет - Zakon.kz жаңалық 07.11.2023 23:46

Сурет: "Барыс" ХК

ҚХЛ-дың тұрақты чемпионаты аясында астаналық "Барыс" өз алаңында "Ақ Барыстан" таза ұтылды. Есеп - 0: 3, деп хабарлайды Zakon.kz.

"Барыс" өз алаңында "Ақ Барыстың" қақпасына шайба соға алмай, жеңіліске ұшырады.

Кездесудің басты оқиғалары екінші таймда болды.

Есепті Қазан клубының хоккейшісі Илья Сафонов ашты, ол кішкене кідірістеп, қолға ыңғайсыз болса да шайбаны соғуда шеберлік танытты. Тайм аяқталар сәтте Дмитрий Кагарлицкий көк сызықта таяғын сауатты қойып, шайбаны қағып алды. Осылайша ол оны қақпаға тоғытып, екінші рет елордалық көрермендердің көңілін су сепкендей басты.

Матчтың соңғы минутында астаналықтардың бос қалған қақпасына Евгений Свечников та шайба сала кетті.

4 қарашада қос команда Қазанда кездескен болатын. Басында "Барыс" 3:0 есебімен ұтып жатқан, бірақ ойын соңында 3:5 есебімен жеңілді. Осылайша, қазақстандық клуб соңғы алты ойында бесінші рет жеңіліске ұшырады.

Оқи отырыңыз