Қазақша күрестен Қазақстан қоржыны тағы бес алтын медальмен толықты
Сурет: Instagram/qazaqkuresi.kz
Атап айтқанда, 56 келі салмақ дәрежесінде финалда жерлесіміз Рауза Нұрмахамметова ресейлік Алена Фатихованы "таза жеңді". Осылайша Қазақстан қоржыны тағы бір алтын медальмен толықты.
Сурет: Instagram/ulttyqatsport.kz
60 келі салмақта ел намысын қорғаған Мейіржан Берекетов финалда әзербайжандық балуанды жеңіп, Дүниежүзілік көшпенділер ойындарының чемпионы атанды.
Сурет: Instagram/ulttyqatsport.kz
Қазақша күрестен 66 келі салмақта Дидар Тұқышев V Дүниежүзілік көшпенділер ойындарының чемпионы болды.
Сурет: Instagram/ulttyqatsport.kz
74 келі салмақта өнер көрсеткен Жұмажан Қожамбеков алтын медаль жүлдегері атанды.
Сурет: Instagram/ulttyqatsport.kz
Сондай-ақ қыздар арасынан 60 келі салмақта Бақыт Құсақбаева да V Дүниежүзілік көшпенділер ойындарының жеңімпазы болып танылды.
Сурет: Instagram/ulttyqatsport.kz
Айта кетсек, осыған дейін 52 келі салмақта Назерке Азаматова және 48 келі салмақта ел намысын қорғаған Айжан Жылқыбаева V Дүниежүзілік көшпенділер ойындарының жеңімпазы атанса, сондай-ақ ерлер арасында 55 келі салмақта Бекжан Төлепов алтын медаль иеленгенін хабарлаған болатынбыз.
