Рыбакина WTA басшысымен суретке түспеу себебін түсіндіріп берді

Әлемнің бесінші ракеткасы Елена Рыбакина Эр-Риядта өткен WTA-2025 қорытынды турнирінің марапаттау рәсімінде Әйелдер теннис қауымдастығының (WTA) бас директоры Порша Арчермен суретке түспеген себебін түсіндірді, деп хабарлайды Zakon.kz.

8 қарашада өткен марапаттау рәсімінде Рыбакина WTA басшысымен бірге суретке түсуден бас тартып, теннис тарихында бұрын-соңды болмаған жағдайға себеп болды. Бұл әрекетінің себебін спортшыдан баспасөз мәслихатында сұраған болатын.

Алайда Елена нақты жауап бермей, бұл мәселені өзі мен Порша Арчердің арасында қалдырған жөн екенін айтты.

reporter: why didn't you join the photo with the CEO of WTA Portia Archer?
elena rybakina's answer: it's gonna be between me and miss Portia Archer pic.twitter.com/OesDS5M70n

— rita (@seulzalabim) November 9, 2025

Айта кетейік, Елена Рыбакина – WTA қорытынды турнирінде жеңіске жеткен Азия құрлығынан шыққан тұңғыш теннисші атанды. Бұған дейін Азия өкілдері – қытайлық Ли На (2013 жылы) мен Чжэн Циньвэнь (2024 жылы) финалға дейін жеткенімен, чемпион бола алмаған еді.

Бұған дейін Қазақстан үстел теннисінен Ислам ынтымақтастығы ойындарында алтын медаль еншілегенін жазғанбыз.