Түркияда 78 адамның өмірін жалмаған қонақ үйдегі өрттің шығу себебі белгілі болды

Таяуда Grand Kartal қонақ үйіндегі өрттің шығу себептері белгілі болды, деп хабарлайды Zakon.kz.

Болу қаласының прокуратурасы жүргізген тергеу материалдарына, сондай-ақ Түркияның Sabah газетінде жарияланған куәгерлердің айғақтарынан алынған мәліметтерге сәйкес, қонақ үйдегі өрт 21 қаңтарда таңертең мейрамхана асханасында басталды. Ол ғимараттың төменгі қабаттарының бірінде орналасқан.

Сурет: sabah

Белгілі болғандай, таңғы ас дайындау кезінде аспаз Файсал Явер мен оның көмекшілері ыстық май кенеттен тұтанған кезде грильді қолданған. Жалынды қақпақпен жабу немесе арнайы өрт сөндіргішті пайдалану сияқты дұрыс сөндіру әдістерін қолданудың орнына, ас үй қызметкерлері үрейленіп отқа су құя берген.

Сурет: sabah

Бұл жағдайды ушықтырды: жанып жатқан май әр түрлі бағытқа тарап, ауқымын кеңейтті. Желдеткіш құбырлар арқылы жалын ғимаратқа тез тараған.

Сурет: sabah

Жағдайды қолға ала алмаған ас үй қызметкерлері өзге шара қолданбастан ғимараттан эвакуацияланған.

"Өрттің қонақ үйді толықтай шарпуына және оқиғаның қайғылы себеппен аяқталуына қызметкерлердің майдың тұтануынан басталған өртті сөндіру туралы негізгі білімдерінің жоқтығы себеп болды",- делінген ақпаратта.

Сурет: sabah

Бұған дейін Түркияның тағы бір қонақ үйінен, нақтырақ айтқанда, Алания провинциясында салынып жатқан тоғыз қабатты ғимараттан өрт шыққандығы хабарланған болатын.