Брюссель мен елдің Валлония аймағының ұстаздары оқу ордаларының алдына, министрлік жанына жиналып, наразылық акциясын өткізді. Олар білім министрлігінің жаңа реформасына және бюджетті қысқартуға қарсы, деп жазады qazaqstan.tv.
Ереуілшілер биліктен мұғалімдерге әкімшілік жүктемені азайтып, олардың біліктілігін бағалаудағы бассыздықтарға жол бермеуді талап етті.
"Менің мектепте істегеніме 30 жылдан асты. Соңғы жылдары сабақтан тыс қағазбастылық, жүктеме көп. Салдарынан білім сапасы төмендеп кетті." Элен Дюпон, математика пәнінің мұғалімі
Онсызда мұғалім жетіспейді, штатты көбейту керек. Ал үкімет керісінше, бюджетті тағы да қысқартпақ. Бізбен келіссөз жүргізбесе, жағдай қиындайды, деп жазады кәсіподақ ұйымының жетекшісі Мадлен Пиере.