«Қазақтелеком» компаниясы штаттық режимде жұмысын жалғастыруда. Бірінші басшы жұмыс орнында. Бүгінге, Қуанышбек Есекеевтің қатысуымен «Қазақтелеком» АҚ Директорлар кеңесін өткізуді қоса алғанда, отырыстардың қарқынды кестесі жоспарланған. «Қазақтелеком» АҚ Байланыс департаментінің директоры Сара Бакирова
Компания кеңселеріндегі ықтимал тінтулерге түсініктеме бере отырып, ол «мұндай іс-шараларды өткізу және оларға түсініктеме беру тек құқық қорғау органдарының құзырында екенін» атап өтті.
Наурыздың 13-і күні Сыбайлас жемқорлыққа қарсы қызметтің «Қазақтелеком» АҚ-ның аса ірі көлемдегі лауазымдық өкілеттіктерін асыра пайдалану және қаржысын жымқыру фактілері бойынша қылмыстық істі тергеп жатқаны белгілі болды. Осы қылмыстарды жасады деген күдікпен Қайрат Сатыбалдыұлы ұсталып, уақытша ұстау изоляторына қамалды. Оның мемлекет қауіпсіздігіне нұқсан келтіретін басқа да қылмыстарға қатыстығы тексерілуде.