Тараптар заңсыз баю және кірістер мен шығыстарды жалпыға бірдей декларациялау үшін заңды жауапкершілікті енгізу мәселелерін талқылады. Сондай-ақ кәсіпкерлікті қорғау мәселелері де тілге тиек етілді.
Еуропалық тарап Қазақстанның сыбайлас жемқорлыққа қарсы саясатындағы екпіндерді орналастыруды оң бағалады. Олар еліміздің халықаралық сыбайлас жемқорлыққа қарсы стандарттары мен GRECO үздік тәжірибесін сақтауға ұмтылып жатқанын атап өтті.
Сондай-ақ Қазақстанның Еуропа Кеңесінің сыбайлас жемқорлыққа қарсы қылмыстық-құқықтық конвенциясына қосылуға дайындығы атап өтілді. Тиісті шақыру 2022 жылдың 1 шілдесінде алынды.
Агенттіктің еуропалық серіктестермен өзара іс-қимыл мәселелерінде ашықтығы мен дайындығын ерекше атап өткім келеді. Біз өз тарапымыздан Қазақстаннан Еуропаға шығарылған активтерді қайтару туралы өтініштерді қолдауға дайынбыз. Орталық Азия бойынша арнайы өкіл Тери Хакала
Қаңтар оқиғасы кезіндегі азаптау фактілеріне қатысты істерді тергеу жайы да сөз болды.
Осы уақытқа дейін 171 іс аяқталды. 177 іс бойынша тергеу жалғасуда. Стамбул хаттамасының барлық талаптары сақталады. Қазақстан Республикасы Сыбайлас жемқорлыққа қарсы іс-қимыл агенттігінің төрағасы Олжас Бектенов
Бас прокуратураның Байланыс агенттігі халықаралық қауымдастықты қызықтыратын ақпаратты ұсынады.
