"10.08.2023 жылы Шымкенттегі гүл дүкеніндегі оқиғаға қатысты әлеуметтік желілерде тараған бейнежазбада құқық бұзушының қасында болған екінші тұлға – Еңбекші ауданы бойынша мемлекеттік кірістер басқармасы басшысының орынбасары Данияр Елқонды. Осыған байланысты Шымкент бойынша мемлекеттік кірістер департаменті тарапынан мән-жайды анықтау мақсатында 10 тамызда қызметтік тергеу тағайындалды". Шымкент бойынша мемлекеттік кірістер департаменті
Ведомство Данияр Елқондының мәселесі тәртіптік комиссия отырысында қаралатынын және қабылданған шаралар туралы қосымша хабарлайтынын мәлімдеді.
Еске салайық, бұған дейін әлеуметтік желіде "Romantic" гүл дүкенінде болған екі оқиға үлкен қоғамдық резонанс тудырды. Полиция бұл оқиғаларға қатысты түсінік берді.
