Бұл туралы 4 маусымда City Transportation Systems хабарлады.
"Жазғы кезеңнің басталуымен қаланы бұдан да ыңғайлы әрі қолжетімді ету мақсатында №201, 202, 203 түнгі маршруттарды іске қосу жоспарлануда. Енді елорда тұрғындары мен қонақтары түнгі уақытта, сағат 00:00-ден 06:00-ге дейін қала бойынша оңай әрі жайлы қатынай алады", - делінген хабарламада.
Маршруттар негізгі көлік тораптарын қамтиды және қаланың негізгі аудандарын байланыстырады.
Компания маршрут схемалары мен кестелері туралы толық ақпаратты кейінірек береді.
Бұған дейін Астанада жол жөндеу жұмыстарына байланысты 17 автобус бағытының қозғалыс тәртібі өзгергені хабарланған болатын.