Алматы қаласы жергілікті полиция басқармасының мәліметінше, жыл басынан бері көлік терезелерін қараңғылаған 10844 жүргізуші ұсталып, оларға қатысты ҚР ӘҚБК-нің 590-бабы 5-тармағына сәйкес әкімшілік хаттамалар толтырылды.
Жол-қателікті кешірмейді" деген аксиома жол жүру ережелерін елемейтін жүргізушілерге тікелей қатысты.
Заң талаптарына бағынбай, жол жүру ережелерінің сақталмауы қайғылы жағдайларға алып келетіні анық.
Осы орайда полиция қызметкерлері үнемі арнайы іс-шаралар мен рейдтік шаралар өткізіп отырады.
"Жол жүру ережелерін өрескел бұзатын және көлік терезелерін қараңғылауға құштар жүргізушілер ерекше назарда. Мұндай жүргізушілерге қатысты әкімшілік хаттама толтырылады", – деді Алматы қаласы жергілікті полиция басқармасы бастығының орынбасары Тимур Ноғайбаев.