Закиева Ақмола облысында екі бала жеке үйде электр тоғының тұйықталуы мен түтіннің салдарынан қайтыс болғанын еске салып, жақындарына көңіл айтты. Оның айтуынша, оқиғаның барлық мән-жайы анықталып, барлық қажетті тергеу әрекеттері жүргізілуде.
"2024 жылдың қаңтарынан бүгінгі күнге дейін балалардың қаза болуымен байланысты 15 өрт болды, негізінен балалар үйде жалғыз қалған.Осы фактілерді саралай келе, 12 жасқа дейінгі балаларды ересектердің қарауынсыз қалдыруға тыйым салу бойынша заңнамалық шараларды әзірлеу қажет деп санаймын.Әрине, бұл ретте қолдауды қажет ететін отбасыларға мемлекет тарапынан көрсетілетін көмек бағдарламалары ұсынылуы керек", — деп жазды Динара Зәкиева бір күн бұрын Instagram Stories парақшасында.
2024 жылдың 1 желтоқсанында Ақмола облысы Шұбарағаш ауылындағы жеке тұрғын үйдегі өрт кезінде 2017 және 2021 жылы туған екі баланың тұншығып өлгені белгілі болды.