Жаңа жобалар қала ортасының жайлылығы, экологиялық тазалығы және тартымдылығын арттыруға бағытталған. Қала әкімінің тапсырмасына сәйкес, 11 магистральді көшеде техникалық тротуарлар төселеді. Бұл туралы Бостандық ауданы әкімдігі хабарлады.
Жоба аясында Садықов, Мұстафин, Исиналиев, Тілендиев, Радостовец, Ғабдуллин, Кекілбайұлы, Наурызбай батыр, Марков, Өтепов көшелері және Бұқар Жырау бульвары қамтиды
Аудан әкімдігінің мәліметінше, өткен жылы 6 магистральді көшеде техникалық тротуарлар салынған.
Олар:
- Абай даңғылы,
- Байзақов көшесі,
- әл-Фараби даңғылы,
- Серкебаев даңғылы,
- Жароков көшесі
- Тимирязев көшесі.
"Техникалық тротуар жаяу жүргіншілер мен көлік қозғалысын нақты бөліп, жол-көлік оқиғаларының қаупін азайтады. Біз тұрғындар үшін барынша ыңғайлы жағдай жасауға тырысамыз", – деді ауданның инженерлік және жол инфрақұрылымы бөлімінің өкілдері. Олардың мәліметінше, жұмыс жыл бойы жалғасады.
Техникалық тротуар магистральді көшелерде орналасқандықтан, ол топырақтың шайылуына жол бермейді, қарды сапалы түрде тазалауға мүмкіндік береді. Сонымен қатар, мұндай тротуарлар су ағызу мәселесін шешіп, нөсер жаңбыр кезінде көшелердің су астында қалуын болдырмайды.
Бұған қоса, биыл жолдарды ағымдағы жөндеу жұмыстары жалғасады. Қазіргі уақытта мердігер ұйымды анықтау бойынша байқау рәсімдері қолға алынған. Жөндеу жұмыстары келісімшарт жасалғаннан кейін басталады.