Әкімдік ақпаратына сүйенсек, Астана қаласының Көлік және жол-көлік инфрақұрылымын дамыту басқармасы Ш. Бейсекова көшесінен К. Байсейітова көшесіне дейінгі учаскеде Фах бен Абдул Азиз мен С. Қожаметов көшелеріне орташа жөндеу жүргізеді. Осыған байланысты, 12-15 мамыр аралығында көрсетілген учаскелерде қозғалыс ішінара жабылады. Осы уақытта көлік қозғалысы екі бағытта бір жағынан кезең-кезеңімен ұйымдастырылады.
"Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады". Астана қаласы әкімдігі
Сурет: Астана қаласы әкімдігі
Бұған дейін Астанадағы тағы бір көше жөндеу жұмыстарына байланысты бір аптаға жабылатындығы хабарланған болатын.