Тиісті үндеу дүйсенбі күні гидрометеорологиялық орталықтың сайтында пайда болды.
"2025 жылғы 2 маусымда Астанада, Өскеменде, түнде Қостанайда ауаның ластануының қолайсыз метеорологиялық жағдайы күтіледі", – делінген "Қазгидромет" РМК хабарламасында.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, әлсіз жел, тұман, инверсия) жиынтығы.
ҚМЖ жағдайында қала тұрғындарына ашық ауада, әсіресе тас жолдар немесе басқа ластаушы көздер жанында уақытты қысқартуға кеңес беріледі. Ал созылмалы өкпе, жүрек-қан тамырлары аурулары, аллергиялық аурулармен ауыратын адамдар далада жүргенде өздерімен бірге қажетті дәрі-дәрмектерді алып жүруі керек.