"2024 жылғы 13 желтоқсанда "Шұбар" қосалқы стансасындағы авариялық ажырату салдарынан жарықсыз қалған нысандардың барлығына жарық берілді, ақау толығымен қалпына келтірілді. Естеріңізге сала кетейік, бұған кабельдерді ұрлау салдарынан туындаған 10 киловаттық желінің зақымдануы болды. Технологиялық бұзушылықтың салдарынан үш тарату пунктіне қарасты 11 тұрғын үй кешені мен екі әкімшілік ғимарат жарықсыз қалды", – деп түсіндірді баспасөз қызметі.
Апатты жоюға сегіз жедел-көшпелі бригада жұмылдырылғаны нақтыланады.
"Қалпына келтіру жұмыстары барысында электрмен жабдықтау ДМ -ға қосылған бес жабдық бойынша уақытша қамтамасыз етілді. "Астана-АЭК" АҚ тұрғындарға түсіністік пен шыдамдылық танытқандары үшін алғыс білдіреді", - дейді компаниядағылар.
Бұған дейін Астанада сол жағалаудағы бірқатар тұрғын үй кешендері жарықсыз қалғаны хабарланған болатын.