Ведомствоның мәліметінше, сыбайлас жемқорлық деректерінің басым бөлігі парақорлық, жымқыру, алаяқтық, лауазымдық өкілеттіктерді теріс пайдалану және асыра пайдалану сияқты қылмыстарға қатысты.
"Қылмыстық істер бойынша 93 адам күдікті деп танылды. 81 қылмыстық істің тергеуі аяқталып, оның 78-і сотқа жолданды", – деп хабарлады ҰҚК баспасөз қызметі.
Тергеуі аяқталған қылмыстық істер бойынша анықталған залал сомасы 3,7 млрд теңгені құрады.
Бұған дейін Қызылорда облысындағы аудандық соттың төрағасы мен судьясы 9 жылдан бас бостандығынан айырылғаны хабарланған еді. Сол кезде ҰҚК олардың ұсталған сәтінен кадрлар жариялаған болатын.