Құжатқа сәйкес, азаматтардың цифрлық кеңістігі келесі мүмкіндіктерді қамтамасыз етуі тиіс:
- азаматтың цифрлық кеңістігінде орналастырылған ақпараттың болуы мен өзектілігін көру;
- пайдаланушы алған мемлекеттік қызметтердің тарихы журналын қарау;
- операциялардың мәртебесі мен маңызды оқиғалар туралы push-хабарлама, SMS және (немесе) электрондық пошта арқылы міндетті түрде хабардар ету;
- хабарламалар мен қауіпсіздік параметрлерін басқару;
- электрондық цифрлық қолтаңбаның (ЭЦҚ) ашық кілт сертификатын кері қайтарып алу функциясын пайдалану.
Бұйрық 2026 жылғы 12 шілдеден бастап қолданысқа енгізіледі.
Еске салсақ, Цифрлық кодекстің 77-бабына сәйкес, азаматтың цифрлық кеңістігі – "электрондық үкімет" веб-порталындағы жеке кабинет бөлімінің бір бөлігі. Ол азаматтарға тіркелген цифрлық оқиғалар туралы мәліметтерге қол жеткізуге, оларды қарауға, басқаруға және пайдалануға мүмкіндік береді.
Сондай-ақ азаматтың цифрлық деректері "электрондық үкіметтің" цифрлық объектілері арқылы сұратылған жағдайда, бұл әрекет туралы цифрлық оқиға автоматты түрде тіркеліп, азаматтың цифрлық кеңістігіне жіберіліп отырады.