Қазақстандық балалар арасында қандай аурулар жиі кездеседі

Денсаулық сақтау министрі Ақмарал Әлназарова 2026 жылғы 18 тамызда өткен Үкімет отырысында жаңа оқу жылы қарсаңындағы қазақстандық балалардың денсаулық жағдайы туралы айтты, деп хабарлайды Zakon.kz тілшісі.

Министрдің мәліметінше, қазірдің өзінде 2 миллионнан астам бала профилактикалық тексеруден өткен.

"2026 жылдың бірінші жартыжылдығында 2,3 миллион бала профилактикалық тексеруден өтті. Бұл жылдық жоспардың 52%-ын құрайды. Қалған балалар жыл соңына дейін тексеріледі. Нәтижесінде балалардың 11%-ынан, яғни 242 мың баладан түрлі ауру анықталды", – деді Ақмарал Әлназарова.

Ол Дүниежүзілік денсаулық сақтау ұйымының деректері мен бағалауына сәйкес, балалар арасындағы аурушаңдық деңгейі 15%-дан 25%-ға дейін жететінін атап өтті.

"Анықталған аурулардың ішінде тісжегі, қаназдық және миопия басым. Динамикалық бақылауды қажет ететін патологиясы анықталған балалардың 36%-ы есепке алынды", – деді Денсаулық сақтау министрі.

Бұған дейін жаңа оқу жылында Қазақстанда қанша баланың бірінші сыныпқа баратыны хабарланған еді.