Қазақстанда кімдер әскери есепке алынбайды: ережеге өзгеріс енгізілді

Қорғаныс министрінің міндетін атқарушы 2026 жылғы 1 қыркүйектегі бұйрығымен әскери міндеттілер мен әскерге шақырылушыларды әскери есепке алу қағидаларына өзгерістер енгізді, деп хабарлайды Zakon.kz.

Жаңартылған қағидаларға сәйкес, мына санаттағы азаматтар әскери есепке алынбайды:

• әскери-есептік мамандығы жоқ әйелдер;
• әскери қызметтен отставкаға шығарылғандар;
• запаста болудың шекті жасына толуына байланысты әскери есептен шығарылғандар;
• әскери қызметке жарамсыз деп танылып, әскери есептен шығарылғандар;
• бас бостандығынан айыру жазасын өтеп жатқандар;
• Қазақстаннан тыс жерде тұрақты тұратындар;
• құқық қорғау және арнаулы мемлекеттік органдардың, сондай-ақ азаматтық қорғау органдарының қызметкерлері;
• аталған органдардың әскери және арнаулы оқу орындарында білім алып жүрген курсанттар мен тыңдаушылар.

Бұйрық 2026 жылғы 14 қыркүйектен бастап күшіне енеді.