11 қарашада Қазақстанның оңтүстігі мен шығысында жаңбыр мен қар жауады

Сәрсенбі, 2026 жылғы 11 қарашада, Қазақстан аумағының басым бөлігінде жаңбыр мен қар жауады. "Қазгидромет" РМК болжамынша, елдің оңтүстігі мен шығысында кей жерлерде жауын-шашын мол түседі, деп хабарлайды Zakon.kz.

Антициклон жотасының ықпалынан елдің қиыр батысы мен солтүстік-батысында ғана жауын-шашын болмайды.

"Атмосфералық фронттардың әсерінен Қазақстан аумағының басым бөлігінде жаңбыр мен қар жауады. Оңтүстік пен шығыста қатты жауын-шашын (жаңбыр, қар) күтіледі. Ел аумағында жел күшейіп, тұман түседі. Солтүстік-батыста, шығыста, оңтүстікте және орталықта көктайғақ болады", – деп хабарлады "Қазгидрометтің" баспасөз қызметі.

Сонымен қатар бірқатар өңірде өрт қаупі жоғары болады деп күтіледі.

Синоптиктер мына аумақтарды атады:

• Қызылорда облысы;
• Алматы облысының батысы, оңтүстігі мен шығысы;
• Жетісу облысының оңтүстігі, шығысы мен орталығы;
• Жамбыл облысының солтүстігі, оңтүстігі мен шығысы.

Бұған дейін Алматы қаласының Төтенше жағдайлар департаменті 11 қарашаға дауылды ескерту жариялаған еді. Кейін қала әкімдігі Алматыда 10 қараша күні кешке басталатын жауын-шашын 12 қарашаға қараған түнге дейін созылатынын ескертті.