Ақмола облысындағы барлық 95 көлік апат орнынан шығарылды

2025 жылғы 3 қаңтарда сағат 23:50-дегі жағдай бойынша Астана-Петропавл тас жолында болған ірі жол апатында зардап шеккен 95 көліктің барлығы оқиға орнынан шығарылды. Бұл туралы "ҚазАвтоЖол" жол шаруашылығы ұлттық операторы мәдімдеді, деп хабарлайды Zakon.kz.

"Жол-көлік оқиғасының салдары толығымен жойылды, қисық арқалық қалпына келтірілді. Жол қызметінің қызметкерлері жол бөлігін толығымен тазартты", — делінген хабарламада.

2025 жылдың 3 қаңтарында республикалық тас жолдың Астана-Петропавл учаскесінде 95 көліктің қатысуымен ірі жол-көлік оқиғасы болды. Апат салдарынан 20 адам зардап шекті. Кейін Қазақстанның Ішкі істер министрлігі көлік жүргізушілеріне маңызды мәлімдеме жасады.