Ақмәди Сарбасов Еңбек және халықты әлеуметтік қорғау бірінші вице-министрі қызметінен босатылды

Ақмәди Сарбасов Еңбек және халықты әлеуметтік қорғау бірінші вице-министрі қызметінен босатылды, деп хабарлайды Zakon.kz.

Бұл туралы 11 сәуірде Премьер-Министрдің баспасөз қызметі хабарлады.

"Қазақстан Республикасы Үкіметінің қаулысымен Ақмәди Әділұлы Сарбасов басқа жұмысқа ауысуына байланысты Қазақстан Республикасы Еңбек және халықты әлеуметтік қорғау министрінің бірінші вице-министрі қызметінен босатылды", – делінген хабарламада.

Ол бұл қызметті 2020 жылдың маусымынан бері атқарып келді.