WTA: Рыбакина өз кәсіби мансабында алғаш рет Қорытынды турнирдің финалына шықты

Бүгін, 7 қарашада Сауд Арабиясының Эр-Рияд қаласында WTA-2025 маусымының Қорытынды турнирінің алғашқы жартылай финалында қазақстандық теннисші Елена Рыбакина мен америкалық Джессика Пегуламен (5-орын) кездесті, деп хабарлайды Zakon.kz.

Ойын өте тартысты өтті, мәселе үшінші сетте шешілді.  Кездесу 2 сағат 5 минутқа созылды. Ақыры 4:6, 6:4, 6:3 есебімен Рыбакина (WTA рейтингінде 6-орында) өзінің кәсіби мансабында алғаш рет WTA-2025 маусымының Қорытынды турнирінің финалына шықты.

Финалда Елена беларусь спортшысы Арина Соболенко (1-орын) немесе америкалық Аманда Анисимованың (4-орын) бірімен кездеседі. 

Посмотреть эту публикацию в Instagram

Публикация от WTA Finals Riyadh (@wtafinalsriyadh)

Еске сала кетсек, топтық кезеңде Елена Рыбакина үш бірдей жеңіске қол жеткізді. Ол америкалық Аманда Анисимованы, польшалық Ига Швентекті, сондай-ақ ресейлік Екатерина Александрованы ұтып кетті.