Костенко шахтасындағы апат: ауруханаға қанша адам жеткізілді
Сурет: pixabay
Ведомствоның мәліметінше, 18 адам аруханаға жеткізілген.
"Барлығына медициналық көмек көрсетілуде. Барлық қажетті мамандарды тарта отырып, консилиум өткізілді".Қарағанды облысының денсаулық сақтау басқармасы
Басқарманың мәліметінше:
- 15 адам Оңтүстік-Шығыстағы Х. Ж. Мақажанов клиникасына көміртегі тотығымен уланумен, біреуінде ауыр дәрежедегі көміртегі тотығымен улану, қалғандарында жеңіл және орташа дәрежеде улану диагнозымен ауруханаға жатқызылды;
- екеуі Михайловкадағы Х. Ж. Мақажанов клиникасында: біреуі реанимацияда ауыр жағдайда, екіншісі операциядан кейін травматология бөлімінде.
"Стационарға 17 адам ауруханаға жатқызылды, бір адам амбулаториялық емделуге үйіне жіберілді", – делінген хабарламада.
Қарағанды облысындағы Костенко атындағы шахтада 28 қазан күні сағат 02:33-те жарылыс болып, бірнеше адам қаза тапты.
"АрселорМиттал Теміртау" АҚ Қарағанды облысындағы Костенко шахтасында алдын ала болжам бойынша, метан жарылғанын мәлімдеді.
Қазақстан президенті Қасым-Жомарт Тоқаев шахтадағы өрт салдарынан қаза тапқан кеншілердің туған-туыстары мен жақындарына көңіл айтты, зардап шеккендердің тезірек сауығып кетуін тіледі. Үкіметке кеншілердің отбасыларына барлық қажетті көмек көрсетуді тапсырды.
Бұған қоса мемлекет басшысы Үкіметке кеншілердің отбасыларына барлық қажетті көмек көрсетуді тапсырды.Мемлекет басшысы Қасым-Жомарт Тоқаев Үкіметке "АрселорМитталТеміртаумен" инвестициялық ынтымақтастықты тоқтатуды тапсырды.
Шахтадағы өрт фактісі бойынша Бас прокуратура қылмыстық іс қозғады.
Қадағалаушы орган сотқа дейінгі тергеп-тексеру Қылмыстық кодекстің 277-бабының 3-бөлігі (Тау-кен немесе құрылыс жұмыстарын жүргiзу кезiнде қауiпсiздiк қағидаларын бұзу) бойынша жүргізілетінін мәлімдеді.
2023 жылғы 28 қазан күні Үкіметтің баспасөз қызметі "АрселорМиттал" АҚ-тың меншік құқығы Қазақстанға өтетінін мәлімдеді. Үкімет "АрселорМиттал Теміртау" АҚ акционерлерімен алдын ала уағдаластыққа қол жеткізген және кәсіпорынның меншік құқығын Қазақстан Республикасының пайдасына беру туралы келісімшартты рәсімдеу аяқталып қалды.
Мемлекет басшысының тапсырмасына сәйкес премьер-министр Әлихан Смайыловтың төрағалығымен Қарағанды облысында "АрселорМиттал Теміртау" АҚ-ның Костенко атындағы шахтасында болған апаттың себептерін тергеу және оның салдарын жою жөніндегі Үкіметтік комиссия құрылды.
