Еліміздің екі өңірінде кейбір жол учаскелерінде шектеу енгізілді

2025 жылы 17 ақпанда сағат 19:30-да ауа райының бұзылуына байланысты еліміздің екі өңірінде жол учаскелері жабылды, деп хабарлайды Zakon.kz.

"ҚазАвтоЖол" ұлттық компаниясының мәліметінше, жүк және қоғамдық көліктердің қозғалысына мына жол учаскелерінде шектеу қойылады:

Қостанай облысы

• "Қостанай-Әулиекөл-Сұрған" тас жолының 108-232 шақырым аралығы (Әулиекөл ауылы - Ақмола облысының шекарасы).

Ақмола облысы

• "Қостанай-Әулиекөл-Сұрған" тас жолының 232-260 шақырым аралығы (Қостанай облысының шекарасы - Сұрған ауылы);
• "Жақсы-Есіл-Бұзылық" тас жолының 71-82 шақырым аралығы (Ақсай ауылы - Бұзылық ауылы);
• "Жезқазған-Петропавл" тас жолының 536-553 шақырым аралығы (Бұзылық ауылы - Сұрған ауылы).

Жолды 18 ақпан сағат 08:00-де ашу жоспарланған.

Бұған дейін синоптиктер 18 ақпандағы ауа райы болжамымен бөліскен.