Шүкір "Ақкент" тұрғын үй кешеніндегі жантүршігерлік өрт кезінде 16-қабатта үш баласымен қоса қалып кеткен әйелге көмекке ұмтылғаны белгілі болды. Түтінге тұншыққан оларға ауа жетпей жатқан. Сол кезде Шүкір тростпен жоғарыға көтеріліп, оларды аман-есен төменге түсірді.
"Қорқынышты болмады ма "деген сұраққа ол: "Шырылдаған кішкентай балаларды көргенде басқа ештеңені ойлап жатпайды екенсіз" деп жауап берді.
Ер адамның екі қызы бар екен.
"Алматыдағы өрт кезінде екі баласы бар әйелді құтқарған біздің азаматымыз - Шүкір Гүйнайға және басқа да азаматтарға адами құндылықтарға бай түрік-қазақ бауырластығына қосқан үлесі үшін алғыс айтамыз", делінген Алматыдағы Түркия Бас консулдығының хабарламасында.
Алматыдағы "Ақкент" ықшам ауданындағы көпқабатты тұрғын үйлердің бірінде 2023 жылдың 1 тамызында өрт болды. Бас сауғалаған адамдар терезеден секіруге мәжбүр болды. Өрт орнынан түсірілген видеолар әлеуметтік желіде жарияланды.
Газ-түтіннен қорғау қызметінің звеносы 80 адамды құтқарды, оның 35-і – қорғаныс мұрындығы көмегімен, қалған тұрғындар арнайы техниканың көмегімен сыртқа шығарылды. Сондай-ақ 200-ден астам адам эвакуацияланды.
Сағат 18:46-да өрт сөндірілді.
Ауруханаларға 31 адам жеткізілді, оның 16-сы - балалар. Бір әйел ауруханада көз жұмды.
